共产党干部闲时借公干来港游逛,最近有个新观光胜地,就系凤凰卫视采访部。


凤凰香港台靓女主播黄珊喺facebook狂呻,话每星期都有大陆VIP到电视台参观,公司要员工(包括女主播)接待,记者、主播好似变咗知客、导游,十分难顶。黄珊更透露,有位大陆人扬言开套新剧《伏波传奇》,邀请渠主演,迹近调戏。

2001年喺浸大传理学院毕业慨黄珊系公认大美人,结咗婚依然系唔少宅男梦中情人,难怪被干部睇中,为免被骚扰,渠要以各种奇招闪避呢啲接待活动,有日「又有国家领导人到访,我决定去厕所走一转」,可惜不出几分钟渠就被「逮捕」,大叹「畀老板打嚟捉住咗」。



黄珊(左)工作以外都好重视家庭,囡囡「细细个」同老公(右)系渠命根。

结果点样甩身?渠自爆扮Print嘢都系好方法,嗰次攞Print out时,远距离同老板及检察院长打招呼就解咗围。渠无提及呢位检察院长嚟自边个省市,但肯定海南同湖北领导都曾经喺凤凰留下脚毛,有个Friend仲话见到黄珊出现喺海南台。

黄珊陪老板陪到烦厌,有次大呻:「顶,唔好再搵我出嚟啦,唔该」。渠自爆唔知边度慨「大陆佬」有次叫渠拍戏,戏名叫《伏波传奇》。渠某个Friend搞烂gag,话系咪《微波传奇》至真?黄珊无奈话情愿做《神雕侠侣》只雕仲好啰。主播呢份工,认真唔易捞。


凤凰香港台女主播黄珊喺fb呻大陆领导不停到访新闻部，叫渠应接不暇。